Nje Leter Qe Na Vjen Pas Vdekjes

Ai mendon se shqiptarët e vitit 2014 ndodhen prapë në një udhëkryq. E frikëson ajo që Adam Michniku e quan diktatura e re e banalitetit. E shqetëson amnezia, ose ndryshe kujtesa e shkurtër e shqiptarëve. E lënë pa gjumë fantazmat e Orientit, që sillen rrotull nesh, ditën dhe natën, dhe ne bëjmë sikur nuk i shohim. E bezdisin salieret e panumërt, që pasi kanë valëvitur derisa janë rraskapitur flamujt e lodhur të realizmit socialist, tani kanë ngritur në fortifikatën e tyre flamujt arrogantë të realizmit demokratik. E trondit, shpërblimi i heshtjes dhe papërcaktueshmëria intelektuale. E çudit manipulirrii i turmave me gënjeshtra cinike nga politikanët, njëlloj si tek Mario dhe Magjistari. Dhe mendon qartësisht se jetojmë ende në një rrethim të imponuar mendor dhe shpirtëror.